Gjimnazi i Tetovës ka histori të vjetër si qendër për procesin edukativo-arsimor të shumë brezave të të rinjve në arsimin e mesëm shkollor. Për herë të parë veprimtaria mësimore filloi në vitin 1910 në godinën e sotme të shkollës së mesme të mjeksisë në Tetovë. Tri ndërtesat praën lumit Shkumbë përdoreshin si shkolla të mesme në gjuhën Turke.



Nga viti 1912 e deri më 1929 mësimi në këtë Gjimnaz u zhvillua në gjuhën sërbo-kroate , me ndërprerjë gjatë kohës së luftrave ballkanike dhe Luftës Botërore . Më vonë nga viti mësimor 1929-1930 e deri në vitin mësimor 1939-1940 , gjatë kohës së mbretërisë jugosllave , Gjimnazi quhej : Gjimnazi Real Shtetëror në Tetovë .
Gjatë kësaj periudhe kohore shkollimi në këtë gjimnaz që i arritshëm vetëm për një numër të vogël të rinjësh , të ardhur kryesisht nga familjet e pasura të qytetit dhe fshatrave .
Në shtator të vitit 1941 filluan me punë shkollat në gjuhën shqipe , në Tetovë dhe rethinë . Përveç mësimit fillor që zhvillohej në qytetin tonë , ekzistonte edhe Progjimnazi me emrin “ Hoxhë Tasini”.
Kjo shkollë ka qenë në ndërtesën e sotme të shkollës së mesme mjeksore , në Tetovë . Në këtë Progjimnaz mësimi zhvillohej në vitet I-II dhe III në 5 paralele , me afër 160 nxënës. Pas mbarimit të Luftës II Botërore, Gjimnazi mer emrin “Kiril Pejçinoviq” nisi punë ,me 27 Shkurt 1945. Ky u themelua me Vendimin e ASNOM-it të 3 Nëntorit 1944. Edhe pse në vitin e parë shkollor kushtet për punë qenë shumë të vështira, falë angazhimit të mësimdhënësve dhe përpjekjeve të nxënësve, për një kohë të shkurtë u krijua kushte sadopak normale për punë educative mësimore të këtij gjimnazi. Gjatë vitit shkollor 1945-1946 në gjimnaz u regjistruan pak më tepër nxënës, kështu që prej vitit në vit ky numër po shtohej vazhdimisht në të dyja gjuhët mësimorë-shqip dhe maqedonisht .
Ky numër i nxënësve deri sivjet përkatësisht në vitin shkollor 2006-2007 u rrit në gjithësej 2.415 nxënës , nga të cilët 2.155 janë shqiptarë dhe 250 maqedonë , të cilët pos objektit qendror të gjimnazit mësojnë edhe në tre objekte të tjera ndihmëse.Ndërkaq , kuadri mësimor kap shifrën prej gjithësej 127 mësimdhënëse nga të cilët 89 janë shqiptarë dhe 26 maqedonas.
Rëndësia e Gjimnazit të Tetovës është tejet e madhe në pikpamje të kuadrove që kanë marrë dhe paisen me mësim të mesëm për pjesën dërmuese të popullatës së përkatësive të ndryshme etnike në këtë rajon dhe rajonin më të gjërë të Republikës së Maqedonisë. Nga struktura e ish-nxënësve të gjimnazit sot kemi profile të ndryshme figurash e profesionesh, duke nisur nga profesorët ,inzhinjerët e diplomuar , mjekë të specializimeve të ndyshme , magjistra shkence , doctor shkence , krijues artistiko-letrarë : poetë dhe shkrimtarë të afirmuar , piktorë , skulptorë e muzikolog të shquar etj . Kjo traditë e frymës krijuese sot bën frymëzimin dhe motivin e nxënësve që edhe ata të ecin gjurmëve të të parëve të tyre në lëminjtë të ndriyshme të shkencës dhe artit që përbën bazën e tyre të sigurt si qytetarë të ardhëm humanë në këtë shtet dhe shoqëri multietnike demokratike.
Sa i përket reflektimit të fazave të ndryshme të zhvillimit apo stangimit në proceset shtetërore dhe shoqërore në Republikën e Maqedonisë , ato gjithsesi se janë shprehur edhe në mjedisin e gjimnazit .Këtu duhet veçuar fazën e konfliktit të vitit 2001 dhe fazën pas konfliktit . Në fazën e parë , pra në konflikt , ka pasur ftohje evidente në raporte ndëretnike , sit e nxënësit ashtu edhe te kuadri mësimor , por për fat nuk ka ndoshuar konflikt midis tyre , që është një e veçantë për këtë gjimnaz. Ndërkaq ,faza pas konfliktit ka shkuar me një trend të përmirsimit gradual të marrdhënieve ndretnike , kështu që sot mund të konkludohet se ekziston një realitet i kuptuar mirë nga etnitetet se duhet të jetojnë praën njëri-tjetrit me raporte korrekte e të ndërsjellta , pa cënuar integritetin e njëri-tjetrit në çdo lëmi të jetës.